قصيدة للشاعرة شهد الشمري من برنامج شهد وشعر يعرض على قناة الفيحاء

السلام عليكم ورحمة الله وبركاته
قصيده للمذيعه الشاعره
(شهد الشمري)
بعنوان
(مشكور سهمك)
من
برنامج شهد وشعر

مشكور سهمك وصل مشكور ماقصرت

مو انت اول جرح كبلك جرحني الوكت

وجنت اطمع بطيبتك وانت بدموعي طمعت

وانه اتخذتك اخو جا ليش بيه اخذلت

وتكول عني اخطئت فهمني بيش اخطئت

واحسبني اخوك وخطأ تخسر لون سامحت

وانه اعتذرت شكثر عالماكو وتوسلت

وطخيت الك هامتي وبزايد تكبرت

لتصير غيمه بسمه يلي بدليلي اثبتت

ومن دون ربح وطمع منك شفتني طلبت

شمعه انه في رقتي وبطيبك تلذذت

تحركني نارك حرك وكبال عينك ذبت

هلبت كسر خاطرك حالي وعليه شفقت

ادري بظميرك عدل معقوله انت المتت

معقوله كلبك جلد وبطيبك انه وهمت

ضليت اشك بالعقل بس بيك ماشككت

خليني احس بالالم بس كونك انت فرحت

ادري الزمان اضلمك وبراسي راسك خذت

ولهسبب عاذرك حاسبني اخوك ومنت

ماحسبتني انذبح ادريك ماحسبت

لو حسبت جا كلت هسه انتة ليش عركت

يل تستحي من الهوه لو كابلك دنكت

وهذه الكتلني قهر بس بسهم نيشنت

وبجرئه صبت الهدف لمن عليه سددت

مشكور سهمك وصل مشكور

بقلم شهد الشمري

قصيده رائعه تسلم على هذا الطرح

عفوا اختي الفاضلة

» التلفزيون الروسي يعرض الطفل المسلم الذي تظهر على جسمه آيات وأحاديث ..!!
» بيت ابو ذيه = قصيدة
» كلمات قصيدة سقط الفن
» حصريا المقابله مع الممثل الايراني مصطفى زماني في قناة الكوثر
» قصيدة ( حنية سياسي ) للشاعر مهيمن الأسدي