ذكريات عاشق
هو -تتذكرين ...؟
جنا اصغار ..
جنت اتمنى اشوفج..
واحجي مره وياج..
وجنت ابجي ويه روحي
من اسمع ابطرواج
وجنت كوه اصبر الروح
وجنت خايف اكلج
مره انه اهواج
هي- وليش تخاف..؟
هو - مدري اشبيه
اخاف وارتبك واحتار
لو يجمعني دربي
وبالصدف الكاج
روحي تروح كلله وياج
عقلي يروح كلله وياج
اتعثر بدربي
من انظر للممشاج
هي - وانه بمستحى
وجنت ادري كولش زين
اباوع لرتباكك
وانظر للممشاك
بس شتريد اكلك
يعني ما معقول
احس عيب من اكلك هل كلب يهواك
ظليت بسكوت وانظر ليا يوم
تجمعنا الليلي
واحجي انه وياك
هو - تتذكرين
جنت اجمع احروفي بكل رساله شوك
واكتبلج غزل ما كاتبه الانسان
واحتار الكلوب ارسمهه مدري شلون
ياكلب الي ارسمه من العشك خلصان
تتذكرين .......
هي - اي طبعا حبيبي
شلون انسى الصار
اني وذكرياتي مخاصمه النسيان
هو - تتذكرين...
بأيام امتحاني جنت افكر بيج
ردت انساج لحظه من افتح الدفتر
لاموني اصدقائي وردت اصبر الروح
وبحبج ضعيفه الروح ماتكدر
تتذكرين..؟
هي - اي حبيبي اتذكر
مشى بينه العمر وحنه بحلاه النوم
شبسرعه كبرنه ومشت حفنه اسنين
احس البارحه
من شفتج اول يوم
مشت بينه الليالي وكلشي ممحسبين
لاحسبت بيه ولا اني احسب بيك
وشوفي الشيب اخذنه شننتظر بعدين
هو - لا تخافين خليج بهواج والعمر بعده صغير
مو اول بشر بالقافله مشيبين
مو اول بشر بالقافله مشيبين
مع تحياتي
بنت بغداد العراق
